MISAKA na sa 82 ang aktibong kaso sa COVID-19 sa General Santos City as of July 24, subay sa update sa DOH-12.
Nag-una ang GenSan sa may pinakadaghang aktibong kaso sa COVID-19 sa region-12 tungod nadugangan og 9 ka bag-ong kaso, adlawng Dominggo ug usa lang ang bag-ong recovery sa maong adlaw.
Sa region-12 may dugang 14 ka bag-ong kaso sa maong sakit asa upat ang bag-ong recovery kun 68,491 o 96.01% ang total recoveries
Tungod sa 14 nga nadugang anaa na sa 71,339 COVID-19 confirmed cases.
Sa bag-ong nagpositibo, upat ang sa South Cotabato, usa sa North Cotabato ug siyam sa GenSan.
Samtang upat ang bag-ong recovery, asa usa ang GenSan ug tulo sa South Cotabato.
Walay nadugang nakabsan sa kinabuhi sa maong virus sa region-12 hinungdan anaa sa 2,640 o 3.70% ang COVID-19 related deaths.
Kasamtangan anaa sa 174 o 0.24% ang are active cases sa rehiyon, asa ang GenSan may 82, South Cotabato-43, North Cotabato-31, Sarangani Province-16 ug Sultan Kudarat-2.
