CAMARINES NORTE- Patuloy na nadaragdagan ang mga naitatalang bagong kaso ng COVID-19 sa lalawigan ng Camarines Norte
Kahapon sa ipinalabas na report ng DOH Bicol naitalang muli ang mataas na bilang na 42 new COVID-19 cases
Tig-12 bagong ang naitala sa bayan ng Daet at Labo, may 5 kaso nagmula sa bayan ng Paracale, 3 mula sa Vinzons
Habang ang tig-dadalawang kaso ay nagmula sa mga bayan ng Jose Panganiban, Mercedes at Talisay
May tig- isang kaso naman ang bayan ng San Lorenzo Ruiz at Sta. Elena
Bunsod nito pumalo na sa 573 ang bilang ng mga aktibong kaso ng COVID-19 dahilan upang umakyat sa 2,077 ang total cases.
Nananatili naman ang bilang ng mga nakarekober sa sakit na may 1,425 at 79 na nawalan ng buhay dahil sa COVID-19
Ikinababahala ngayon ng Provincial IMT ang patuloy na pagakyat na naitatalang kaso ng sakit , kung kaya’t patuloy na nananawagan ito sa publiko na panatilihin ang pagtupad at pagsunod sa minimum health protocols
