KALIBO, AKLAN—Amat-amat eon nga naganaba makarun do aktibong kaso it coronavirus disease 2019 (COVID-19) sa probinsya it Aklan.
Base sa datos it Aklan Provincial Epidemiology and Surveillance Unit, as of July 1, nagaabot eon lang sa 746 do active cases kung saan 660 kara do naka-facility quarantine, 13 do naka-home quarantine ag 66 man do admitted sa ospital.
Madumduman, ku nagtaliwan nga June 25, 2021 nga datos it Aklan PESU umabot do aktibong kaso it probinsya sa 960.
Sa pihak nga parte, nadugangan man it 99 do mga bag-ong nagmayad ngani nga umabot eon do total recoveries sa 3,567 samtang sumampa eon do kabilugan nga kaso sa 4,417 matapos madugangan kahapon it 86 ag nagapabilin man sa 104 do COVID-19 related deaths. // SHERRY ANNE REUNIR-VIDAL
