Bisan gindeklara nga lymphatic filariasis-free ro Aklan, ginasubaybayan sa gihapon it Provincial Health Office (PHO) ro posible nga pagbalik it nasambitan nga sakit.
Ro lymphatic filariasis hay kieaea man bilang elephantiasis, sambilog raya ka klase it parasitic infection nga ginabuoe sa lamok ag ro pangaywa nga nagapanguna sa permanente nga pag-angkun it kapansanan.
Napueo ka dag-on eun ro nagtaliwan, naghiwat it survey ro Department of Health ag gindeklara ro Aklan bilang sambilog ka “moderately endemic province” para sa lymphatic filariasis.
Ku 2019, naghiwat it Transmission Assessment Survey (TAS) ro PHO-Aklan sa mga kabanwahan it Batan, Madalag, ag Libacao agud matumod kung ro impeksyon hay nagsangkiri.
Ku 2020, ginhimo ro TAS sa bieog nga Aklan ag naguwa ro negatibo nga resulta para sa parasitic infection.
Base sa PHO-Aklan Filariasis Program ro buean it Nobyembre hay filariasis awareness month./JIL B. LACSON
