KALIBO, AKLAN—Ginrekomenda it Aklan Medical Society (AMS) ag Philippine College of Physicians (PCP) Aklan-Capiz Chapter kay Aklan Governor Florencio Miraflores nga ipaidaeom do probinsya sa modified enhance community quarantine (MECQ) ukon sa enhanced community quarantine (ECQ).
Sa andang ginpadaea nga sueat kay Gov. Miraflores, ginpunto it grupo it mga doctos nga do tuyo it andang rekomendasyon hay agud nga malikawan do posibleng pag-collapse it local health system ag ipatupad do nasambit nga quarantine classification hasta nga mangin maayos ukon manageable eon do numero it COVID-19 sa Aklan ukon hasta mangin tayuyon do vaccination roll out sa probinsya.
Owa man sigon nabawasan do kaso sa pihak it pagpaidaeom it probinsya sa GCQ
with heightened restrictions kung siin naghatod raya it kadugangan nga kabudlayan sa mga frontliners ag possible pa nga maubos do resources kapareho it hospital ag health facility beds, mga bueong ag mechanical ventilators.
Dugang pa kara, kueang do supply it bakuna nga nangin rasun agud nga mas maabo suno pa sa AMS do mga pasyenteng may severe symptoms ag pagkamatay. // SHERRY ANNE REUNIR-VIDAL
