Ginkumbinse it Department of Agriculture ro mga hog raisers sa Aklan nga magpartisipar sa hog restocking program it ahensya para mapabaskog ro supply it baboy.
Gintumod ni DA regional executive director Remelyn Recoter ro lima ka mga organization it mga hog raiser sa Aklan para sa repopulation, rehabilitation, ag recovery it local swine industry.
Ro mga eligible backyard ag commercial swine raisers hay pwede man makabuoe it non-collateralized loan bilang working capital.
Kaangut dikara, ginpabaskog pa it Aklan ro andang pagtinguha nga mapunggan ro pagsuoed it mga baboy ag pork products halin sa Luzon ag Mindanao.
Ku Agosto, ro probinsya hay nagpatuman it ordinansa nga tuyo likawan ag i-kontrol ro pagkaeat it African Swine Fever./JIL B. LACSON
