Ku kan-o eamang, nagta-o it bulig ro Aklan Golden Salakot Eagles Club (Aklan GSEC) sa mga “persons deprived of liberty” (PDLs) it Aklan paagi sa pagdonate it daywa ka set it mga sewing machine ag laundry items.
Paagi sa pakipagbuligan sa Bureau of Jail Management and Penology (BJMP), tuyo kara nga mataw-an ag mapanami pa ro kabuhi it mga PDLs kapin pa ro mga babaye nga inmates it Aklan.
Ro maangkun nga kawarta halin sa livelihood program hay direkta nga maadto sa mga PDLs, kung siin makaaangkon sanda it dugang nga pondo para mabayran ro mga legal fees ag pagbakae it andang personal hygiene materials./JIL B. LACSON
