Ginpabaskog pa it Philippine Coast Guard ro seguridad para sa kaeuwasan it mga turista nga gustong bumisita sa Boracay para magbakasyon makarang Semana Santa.
Sa presente, ro taeapan hay nagdeploy it mas maabong tinawo para magpatuman it mga tikang para sa seguridad it publiko.
Mas maabong mga tinawo man ro nakabantay makara kung siin ginahiwat ro mga island hopping activities agud malikawan ro maritime incidents.
Ro K-9 units hay regular nga naghiwat it paneling ag inspeksyon sa mga bagahe it mga pasahero ag mahugot nga ginasubaybayan ro seaworthiness it mga inter-island passenger vessel ag privately-owned vessels halin Mindoro, Romblon, ag Batangas.
Ro mga tikang ngara hay ginahimo agud bmaprotektahan ro isla sa pagsuoed it mga lawless elements./JIL B. LACSON
