Gin-ban it probinsya it Aklan ro pagpasueod it buhi nga domestic ag wild birds, ag poultry products bangud sa peligro it bird flu.
Raya hay matapos matumod it Department of Agriculture ro mga kaso it bird flu sa mga pato ag pugo okun quail farms sa Bulacan ag Pampanga makarun nga dag-on.
Nasayuran nga nag isyu ro Aklan Provincial Government it Executive Order No. 12 ku March 2, 2022 para sa temporary ban sa sueod it 30 days sa pagsueod it poultry products kaeakip ro itlog, fertilizer ag semilya halin sa mga rehiyon sa nasyun para maprotektahan ro local poultry population ag ikamayad nga eawas it publiko.
Ro poultry products gid eamang nga nagahalin sa Western Visayas ro pagapasugtan nga makasueod sa probinsya it Aklan basta ro shippers hay nagasunod sa Veterinary Quarantine documents. / ANN DESLENE SALAZAR
