Base sa lokal nga gobyerno it Aklan, indi eun kinahangean nga magsumite it negative saliva or swab test results ro mga returning Aklanons nga fully vaccinated eun kuntra sa COVID-19 infection.
Kinahangean eang nga ipakita ro andang electronic vaccination certificates o vaccination cards nga gin-isyu it Local Government Units (LGUs) kung siin sanda nabakunahan kuntra sa COVID-19.
Kinahagean man nanda nga magsumite it travel coordination permit halin sa mga LGU it andang destinasyon.
Dugang pa nana, ro mga maabot nga residente it Akean hay indi eun magpaidaeom sa quarantine basta sanda hay nabakunahan.
Ro mga turista halin sa guwa it Western Visayas hay kinahangean nga magsumite it negative RT-PCR test ag digital health declaration form.
Dugang pa it lokal nga gobyerno, bue-on eang nanda ro requirement para sa negative RT-PCR test para sa mga masuoed nga non-residents nga mga bisita kung nabakunahan eun ro mga residente it probinsiya./JIL B. LACSON
