Nagapanawagan ro 3rd Infantry Division (3ID) it Philippine Army kay Ma. Concepcion “Concha” Araneta-Bocala, sambilog nga nagapanguna nga lider it Communist Party of the Philippines – New People’s Army sa isla it Panay nga mag-surrender eun.
Si Bocala hay sambilog sa most wanted rebels sa nasyun, may pabuya nga P4.8 milyon kung sin-o man ro makaturo sa lokasyon it nasambitan nga lider it rebeldeng grupo.
Ro anang asawa nga si Reynaldo hay namatay sa sagupaan sa mga kapulisan ku Mayo 28 sa Providence Subdivision, Pavia, Iloilo.
Si Bocala hay dati nga pinakamataas nga tagapamuno sa NPA sa Panay Island bago imaw mapreso ku 2015.
Imaw man ro Visayas-based consultant it National Democratic Front (NDF) nga nakipagnegosasyon para sa kahilwayan sa tunga it NPA ag gobyerno.
Si Bocala hay naaresto sa ginsanib puwersa nga militar ag kapulisan ku Agosto 1, 2015 sa sambilog ka safe house sa Barangay Calumpang, Molo, Iloilo City. Temporaryo man raya nga ginpahilway ku 2016 agud maka-intra sa pangpueong angut sa kahilwayan sa tunga it CPP ag gobyerno sa Norway.
Matapos nga i-terminate ni Pangulong Rodrigo Duterte ro negosasyon ku 2017, nagpangayo it bulig si Bocala sa mga kaibahan agud makapanago./JIL B. LACSON
