GIHINUMDOM sa grupong Mason ang adlaw nga natawhan ni Dr. Jose Rizal nga Hunyo 19, 1861 pinaagi sa reenactment sa kinabuhi niini sa Dapitan, Zamboanga Del Norte.
Sayo sa buntag sa Plaza Heneral Santos kung asa nahimutang ang estatwa ni Rizal nagtapok ang grupo sa Mason unya gihimo ang ilang programa.
Gipangunahan ni Boy Agulto ang ilang play isip ilang director unya ang nagdala sa kinabuhi ni Rizal mao si Jose Ronald Jamillaren unya ang nagdala sa papel ni Josephine Bracken isip asawa ni Rizal mao si Grace Andiason, ug ang nagdala sa papel sa usa ka pasyente nga langyaw nga step father ni Bracken mao si Boyet Dela Cerna.
Sumala kay Agulto nga ilang ginahatagan ug bili ang kinabuhi ni Rizal nga usa ka bayani,nga nisukol sa mga mananakop pinaagi sa iyang kahibalo,ug wala nahuman sa birthday ang ilang paghinumdom kondili hangtud na sa Desyembre 30 nga death anniversary.
Gikalipay usab ni Jamillaren ang pagdala sa papel ni Rizal samtang malipayon usab si Grace sa pagdala sa papel sa asawa ni Rizal. I Ver Diazon
