LEGAZPI CITY – Ikinondusir kasuudma sa Albay Farmers Bounty Village, Brgy. Cabangan, Camalig, Albay an Kadiwa ng Pangulo Program, kun sain binida an mga produktong abot-kaya.
Obheto kan nasambit na programa na magkaigwa nin interaksyon an mga paraoma sa consumers asin makapagtao nin abot-kayang mga produkto.
Sa intrevista kan Brigada News FM Legazpi kay Albay Provincial Agricultures Office (APAO) Marketing Coordinator Daphne Indira Segubiense, dakulang tabang ini na mabawasan an oversupply nin paninda.
Nagkaigwa man nin discount sa mga produkto, kun sain mas baratong nabakal an mga produkto sa Kadiwa kaysa sa merkado.
Nagkapira man sa mga pighahanap kan mga parabakal kasuudma iyo an itlog, gulayon asin mga seedlings.
Mientrastanto, katuwang sa aktibidad an Department of Trade and Industry, National Food Authority, asin iba pang ahensya nin gobyerno, asin magkakaigwa liwat nin Kadiwa sa bulan nin Marso. | Brigada Intern ROSE ANN MARIE EXCIJA
