GIPASALIG ni Kagawad Atty.Jose Edmar Yumang nga sutaon unsa ang mga pamaagi sa pinakapaspas nga pamagi nga masulbad ang problema sa pondo alang sa AMPING program ug sa fuel allocation sa LGU-GenSan.
Segun ni Yumang nga sayron niini kung aduna pa bay pondo alang sa fuel allocation o wala na ingon man ipatawag ang Budget Officer aron sayron kung may pondo usab alang sa AMPING program.
Kini human nadungog na niini ang maong problema ug gusto nga masayran kung may budget o wala ug kung unsa ang hinungdan aron nga dili maapektohan ang paghatag sa serbisyo sa katawhan.
Isip chairperson sa Committee on Finance sutaon matud pa niini ugaling wala nay magamit nga pondo, ang pag-revert sa budget aron nga makapadayun sa maong mga programa.
Gibutyag usab niini nga ilang paningkamutan nga ipasa ang budget sa GenSan alang sa sunod tuig sa tukmang panahon tungod sa P100 million nga deficit sa pondo ug uban pang mga angayang pondohan nga programa ug serbisyo.
