NAA na sa 95 porsyento ang kaandam sa Sarangani Provincial Hospital 95% alang sa pagsaka isip Level II hospital. Matud ni Dr. Arvin Alejandro, Provincial Health Officer punting nilang makumpleto ang accreditation niini sulod sa 100 kaadlaw.
Apan sa karon nga naa pa lang sa level 1 ang balay tambalanan, makahatag na kini og serbisyo apan limitado lang sa general surgeries ug wala pa’y Intensive Care Unit (ICU). Dugang niini, gihulat na lang nila ang pinal nga inspeksyon sa licensing division sa Department of Health central office. Kung maangkon ang accreditation, makaangkon na kini og fully-functional ICU ug NICU.
Takda usab magdugang ang SPH og mga nurse ug mosaka na sa 25-75 ang bed capacity. Kahibaloan nga sa dugay’ng panahon sagad sa mga pasyente sa probinsiya ang ginadala sa mga ospital sa GenSan. Dunay kasabutan ang Dr. Jorge P. Royeca Hospital ang nag-inusarang pampublikong ospital sa GenSan ug provincial government sa Sarangani sa pagdawat og mga indigent patient gikan sa probinsiya. I Richel Gubalani
