Iginiit ng Commission on Elections (Comelec) ang kanilang kahandaan para sa pagbubukas ng voter registration sa ika-4 hanggang ika-23 ng Hulyo ngayong taon.
Ayon kay Comelec spokesperson Atty. John Rex Laudiangco, magpapatuloy ito mula Lunes hanggang Sabado sa ganap na alas-otso ng umaga na magtatapos naman ng alas-singko ng hapon.
Maaaring magtungo ang mga voter applicants sa Office of the Election Officer sa kani-kanilang distrito, lungsod o munisipalidad.
Samantala, sinabi ni Laudiangco na target nila ang mga bagong botante para sa Sangguniang Kabataan (SK) edad 15 hanggang 17. (ARGIE ERGINA)
