Altavas, Aklan – Sangka 50 anyos nga eaeaki sa Brgy. Catmon, Altavas, Aklan ro nagsurender it (1) unit Caliber .38 homemade revolver (paltik) nga owa it serial number sa Altavas Municipal Police Station kaina it agahun.
Base sa press release it Altavas MPS, ginkilaea ro eaeaki nga si Ariel Dela Cruz.
Suno kay PLT RYAN S BATADLAN OIC, raya hay resulta it owa it pundo nga pagtinguha it mga kapulisan sa pagpatigayun it information dissemination pinaagi it diyalogo, pulong, koordinasyon it BIN ag pagpanagtag it mga materyales it IEC sa mga pumueuyo it Altavas, Aklan.
Umapela si PLT Batadlan sa pumueuyo it Altavas nga suportahan ro OPLAN TKAL “TOKHANG KONTRA ARMAS LUTHANG” pinaagi it pagsurender ag pag-report it anumang loose firearms sa Altavas PNP. / ANN DESLENE SALAZAR
