CAMARINES NORTE- Nagpaalala ang Municipal disaster risk Reduction and Management Office ng LGU Daet sa mga Beach Goers na sundin ang mga nakatalagang beach flags para sa kaligtasan ng lahat
Sa ibinigay na impormasyon ng MDRRMO, ang bawat kulay ng flag ay nagsisilbing paalala sa lahat upang maproteksyunan ang bawat sarili
Ang red flag ay nagrerepresenta ng panganib, kung saan hindi pinapahintulot ang paglangoy sa bahaging iyon ng dagat
Ang white checkered flags naman ay ang lugar na itinalaga para sa mga surfers
Habang ang mga yellow flags ay ang bahagi ng dagat kung saan ligtas na paliguan at life guarded area
Ang mga paalalang ito ay makikita sa bawat bahagi ng Bagasbas Beach na layong maprotektahan ang mga lokal at mga turistang dumarayo sa lugar.
