Pinayagan ng Commission on Elections (Comelec) na maupo ang dating commissioner na si Rowena Guanzon bilang P3PWD party-list representative.
Ayon kay Comelec acting spokesperson Rex Laudiangco, si Guanzon ay magiging first nominee ng Komunidad ng Pamilya, Pasyente at Persons with Disabilities (P3PWD).
Aniya, inaprubahan din umano ito ng en banc kung saan isinumete ang request sa Comelec Law Department nitong June 14.
Samantala, itinalaga si Rosalie Garcia bilang second nominee, third nominee si Cherrie Belmonte-Lim, fourth nominee si Donnabel Tenorio habang fifth nominee naman si Rodolfo Villar Jr.
(ARGIE ERGINA)
