Parehong nangalagpot ang drayber ug ang senior citizen human aksidenteng nadisgrasya diha sa National Highway, P-4 Rotunda, Brgy. Ampayon, Butuan City pasado alas – 9:10 kaganihang buntag.
Ang biktima mao si Lausa Dandanon Mabandos, 71 anyos, nagpuyo sa Purok 2, sakop sa maong barangay samtang ang responsableng drayber mao si Angelito Barbon Labajos, 52 anyos, minyo nagpuyo sa Purok 2, Brgy. Sumilihon sakop ning siyudad.
Sa imbestigasyon, aksidenteng nabanggaan sa single motor nga gimanehoan sa responsable ang patabok nga biktima pag-abot sa maong lugar resulta sa pagkalupad sa duha ug naka-angkon sa mga pangus ug bun-og.
Daling gidala sa Butuan Medical Center ang biktima samtang ang drayber, gidala sa Agusan del Norte Provincial Hospital aron parehong madapatan og medikasyon.
