Dakop ro sangka musician sa ginpatigayun nga buybust operation it PDEA, PDEU ag Kalibo PNP sa Brgy. Pook Kalibo, Aklan kahapon it hapon.
Ginkilaea ro suspek nga si Joel Tan, 54yo ag residente sa nasambit nga lugar.
Ginserbi man kana ro search warrant ag nabuoe sa anang posisyon ag control ro kabilugan nga 12 sachets it suspected shabu ag drug paraphernalia.
Matandaan nga una eon segun nga nagsueod sa plea bargaining ro nasambit nga suspek.
Posibleng magpangatubang ro suspek sa kasong pag eabag sa RA 9165 o Comprehensive Dangerous Drugs Act of 2002. / ANN DESLENE SALAZAR
