Madinaeag-on nga naiboesa ni Mary Francine Cezar Padios nga taga banwa it Kalibo, Aklan ro gold medal sa Pencak Silat sa 31st Southeast Asian Games sa Hanoi, Vietnam.
Matandaan nga si Padios ro ginbueos kay 2018 Asian Games bronze medal winner Cherry May Regalado nga nakaangkon it knee injury bago ro 2019 SEA Games.
Naungusan ni Padios ro representante it Indonesia nga si Puspa Arum Sari pinaagi it score nga 9.960 kontra sa 9.945 ni Arum Sari.
Gintamyaw man it Malacañang ro unang gold medal it Pilipinas pinaagi ni Padios sa Pencak Silat Women’s Seni (Artistic) Tunggal single event sa Vietnam. / ANN DESLENE SALAZAR
