Tuloy ang pangangalampag ng Alliance of Concerned Teachers na bigyan ng overtime pay ang mga gurong nagsilbi sa halalan nitong Lunes.
Ayon kay ACT secretary general Raymond Basilio, maraming mga teachers ang higit sa 24 oras na nag-trabaho sa eleksyon bunsod ng mga aberya at pagma-malfunction ng mga vote counting machines.
Giit nito, kung ang ilang mga empleyado nga ay entitled sa overtime pay, gayundin dapat ang mga teachers.
Tila napapasa raw kasi sa mga guro at iba pang poll workers ang pasakit sa mga naging pagkukulang ng COMELEC.
Hanggang sa ngayon aniya, hindi pa rin sinasagot ang kanilang kahilingan.
#
