Inanunsyo ng Ministry of Education sa Singapore na pwede ng mag-apply ng scholarship ang mga kabataang Pilipino sa naturang bansa kabilang ang ibang ASEAN countries pati na ang China.
Bibigyan ng pagkakataon ang mga qualified students na makapag-aral ng libre sa loob ng apat na taon kung saan mahahasa ang kanilang communication at leadership skills.
Sakop ng naturang scholarship ang mga kabataang ipinanganak noong January 2, 2006 hanggang January 1, 2009, kasalukuyang nasa Grade 9 pataas, mahusay sa wikang Ingles, consistent high grades at may good record.
Samantala, kabilang sa mga benepisyong matatanggap ng isang scholar ang annual allowance, accommodation, airfare, school fees, medical at insurance coverage. || ARGIE ERGINA
