Inilunsad ng Department of Education (DepEd) ang mga bagong module para sa 3 million Alternative Learning System (ALS) students.
Ayon kay DepEd Assistant Secretary GH Ambat, edad 15 hanggang 24 ang mga junior high school ALS students ang inaasahang makikinabang sa nasabing learning materials.
Sinabi ni Ambat na ang curriculum ng ALS ay kapantay na ng K to 12 kung saan kasama dito ang tinatawag na 21st century skills na kinakailangan bago sila magpatuloy sa senior high school hanggang sa sila ay makapagtrabaho.
Samantala, inanunsyo din niya na magkakaroon ng ALS modules para sa senior high school curriculum sa tulong ng UNESCO Jakarta projects at ng DepEd. || ARGIE ERGINA
