BISITAHON na sa kapulisan ilawom sa ‘Oplan Katok’ program ang mga panimalay nga dunay armas nga walay igong dokumento.
Dungan sa pagpakusog sa kampanya sa otoridad batok loose firearms tumong ang luwas nga kadalanan sa mga kriminal.
Ang pamahayag ni Pcol. Paul Bometivo, acting police director sa General Santos City Police Office (GSCPO) dungan sa presentasyon sa 102 ka nagkadaiyang kalibre sa pusil nga nakumpiska ug gisurender.
Nakumpiska ang maong mga armas sa pagsugod sa election gun ban atong Enero 9 hangtud sa kasamtangan.
Matud ni Bometivo, tumong sa programa ang maimbargo ang loose firearms nga naa sa kadalanan sa dakbayan.
Ang lakang ang aron masiguro ang hapsay ug luwas nga national ug local election sa May 9.
Samtang giawhag niini ang naghupot og pusil nga i-rehistro ang mga pulis isip rekisitos ilawom sa Republic Act 10591 aron maundang ang pagkatap sa loose firearms sa nasud.
Kung dili maka-rehistro angayang isurender kini sa mga labing duol nga police station, samtang lima katao ang nasikop, tulo ang napatay sa operasyon human nalambigit sa tulis,motor-napping ug grave threat incident. I Richel Gubalani
