Gipaniguro karon nga dili matandog ang pundo sa ubang galastuhon sa gobyerno sa pagtaas sa produktong petrolyo.
Kini ang gibutyag ni Presidential Communications Operations Office Secretary ug Presidential Spokesperson Martin Andanar homan wala gi-aprubahan ni Presidente Rodrigo Duterte ang panawagan nga suspension sa excise tax.
Gipasabot niini nga sama sa gi-ingon ni Department of Finance Secretary Carlos Dominguez nga kung ugaling mapatuman ang suspensyon, dako sab ang mamahimong epekto niini sa panudlanan gumikan muabot sa 100 billion pesos ang mawala nga pundo nga gagamiton sa ubang galastuhon.
Kini sama sa social services sa Department of Social Welfare and Development, Build build build program ug mga galastuhon sa Department of Health ug uban pa.
Dugang ni Secretary Andanar nga kini ang nahimong rason ni Presidente Rodrigo Duterte nga inay ipatuman ang suspension sa excise tax, duga-ngan na lamang og 200 pesos nga ayuda ang mga naglisod nga Pilipino o kadtong mga gadawat og 6-mil pesos matag bulan nga mga 4Ps o Pantawid Pamilyang Pilipino Program beneficiary.
