Nilinaw ng Commission on Elections (Comelec) na tanging mahigit 100,000 balota lang, at hindi 5.2 million, taliwas sa naunang anunsyo, ang nakitang depektibo.
Paliwanag ni Comelec Commissioner George Garcia, na ang initial count ay 5.2 million, dahil ang ibang balota ay nasa parehong batch ng defective ballots na inihiwalay para sa verification.
Paliwanag nito, na kung ang isang balota ay nakitang depektibo, ang natitirang 999 ballotsna naimprinta sa parehong batch ay itatabi, dahil posibleng depektibo rin umano ang mga ito.
Ang defective ballots ay ang mga may smudges, folds, excess lines, wrong cuts, at iba pang printing errors.
Mula sa 5.2 million ballots na itinabi, sinabi ng commissioner na ang 3.3 million ay kalauna’y nadiskubreng “good ballots.” //MHEL PACIA-TRINIDAD
