Pinag-iisapan ngayon ni Pangulong Rodrigo Duterte na magpatawag ng isang special session sa Kongreso para talakayin ang mga rekomendasyon ng kanyang economic team para mabawasan ang epekto ng Russia-Ukraine crisis sa ekonomiya ng Pilipinas.
Inamin ni Duterte na maaaring walang sapat na panahon upang harapin ang mga hakbang upang matugunan ang epekto sa ekonomiya sa pagbangon ng Pilipinas dahil wala pang tatlong buwan ang natitira bago siya bumaba sa puwesto.
Sa kabila ng kaunting oras na natitira, sinabi niya na ang mga rekomendasyon ng NEDA ay mahalaga upang mapanatili ang ekonomiya sa loob ng ilang buwan.
Kumpiyansa ang NEDA na ang paglalagay sa buong bansa sa ilalim ng Alert Level 1 at pagbubukas ng lahat ng mga paaralan para sa face to face classes ay magpapataas ng domestic economic activity.
