Nasalbar ku kan-o eamang it sambilog ka lokal nga residente sa Barangay Tabuc Norte, Panitan, Capiz ro sambilog ka Visayan wild cat o Civet Cat nga mas kilaea sa tawag nga ‘Singarong.’
Ro nasambitan nga sapat hay insigida nga ginturn-over sa Panit-an Municipal Police Station.
Pero agud mataw-an it tama nga pag-alaga ro sitwasyon it sapat, ginturn-over raya sa Department of Environment and Natural Resources (DENR)-Capiz.
Ro inisyatiba it Panit-an MPS hay parte it PNP Core Values Maka-Kalikasan sa pagpangalaga sa natural nga palibot.
Ro civet cat hay ginaturing nga sambilog sa mga pinasahi nga endemic species it nasyun./JIL B. LACSON
1212
