Presente nga ginahueat it Bureau of Fire Protection Aklan ro summary results it mga eksaminasyon it Arson Laboratory Service it BFP-National headquarters kasunod sa natabo nga sunog sa isla it Boracay.
Matandaan nga ku Marso 2, 2022, nagtuhaw ro daywa ka oras nga sunog ag gintupok ro mga panimaeay sa Sitio Bantud Barangay Manocmanoc.
Base sa BFP-Aklan, naghiwat eun it imbestigasyon ro taeatapan agud matumod ro ginahalinan it sunog sa Boracay.
Kamana man, ro mga natipon nga ebidensya ag mga litrato nga nakolekta sa insidente hay ginapidaeom man sa electro microanalysis ag qualitative examinations it Arson Laboratory.
Base sa datos, nagtuga it mabahoe nga kasamaran sa mga edipisyo ro sunog nga nagabalor sa P2,273,250.
Natupok man it kaeayo ro 14 ka mga panimaeay ag kapin sa 54 ka mga indibidwal ro nadueaan it ilistaran, samtang tatlo ka mga residente ro naninahan sa insidente./JIL B. LACSON
