Mas o menos sa daywang milyong piso ro estimated damages sa natabo nga sunog sa isla it Boracay ku Marso 2 base sa Bureau of Fire Protection (BFP-Boracay).
Sa imbestigasyun, nag umpisa ro kaeayo sa baeay ni Raymon Inginiero, partikular sa andang CR, kung siin raya hay bangud sa faulty electrical wiring.
Ro daywang oras nga sunog sa Zone 1 sa Sitio Bantud, Barangay Manocmanoc hay nagresulta sa pagkasunog sa 17 baeay, kung siin, 14 kara ro totally burned samtang 3 ro partially damaged.
Owa man it casualties sa insidente pero may ap-at nga naninahan bangud sa sunog.
Sa makarun hay nagapadayun pa ro imbestigasyun sa insidente. / ANN DESLENE SALAZAR
