Dakop ro siyam katawo kaeakip ro boat captain ag narekober pati ro andang ginamit nga bangka sa illegal nga pagpangisda sa baybayon it Brgy. Dumaguit, New Washington, Aklan.
Nadakpan ro mga raya sa ginpatigayun nga Fish Landing Denial and Inspection it gintingob nga pwersa it Aklan MARPSTA, New Washington MPS, Naval Forces Central Philippine Navy ag Bureau of Fisheries and Aquatic Resources (BFAR-6 Aklan).
Ro bangka hay may pangaean nga “FBCA KIAN RENIEL”.
Nag eapas ro mga raya sa Section 86 (Unauthorized Fishing) of RA 10654.
Gin-refer man ro kaso sa BFAR AKLAN para sa pag-file it administrative complaint. / ANN DESLENE SALAZAR
