Nagmalampuson ug luwas ang mga otoridad nga mikutkut sa tulo ka Improvised Explosive Device (IED) nga gilubong sa P-8 Sitio Igang boundary Quary barangay Basa lungsod sa Trento, Agusan del Sur gahapon lamang adlawa.
Ang maong operasyon gipangunahan ni Police Lieutenant Dennis Wilson Macabadbad ang team leader sa Explosive Ordinance Disposal (EOD) ug K-9 unit Agusan del Sur lakip na usab ang mga personahe sa Trento Municipal Police Station luyo sa pag pagpanguna ni Police Captain Zaldy Maestre ingon man usab ang , mga kasundalohan gikan sa 25th Infantry Battalion pinaagi ni Staff Sergeant (SSG) Rizaldy Tanghal lakip na usab ang 13o3rd RMFB.
Kahinumduman banda alas 5 kapin o kulang niadtong naka labayng adlaw sa Marso 1 ning tuiga nakadawat ug taho ang mga kasundaluhan gikan sa mga concern citizen nga matud pa dunay wire nga ilang nakita human nga migimaw kini atol sa pag grader sa dalan niadtong adlawa. Human sa maong taho dali nga gilusob sa mga kasundaluhan gikan sa 25th IB ang maong area alas 3 sa sayong kabuntagon ang maong lugar aron sa pagsiguro sa maong dapit.
Human sa gihimong siguridad sa nahisgutang lugar, gisugdan gilayon sa pag kutkut ang tulo ka maong bangag ug nakuha niini ang 6 ka Blasting Cup, Wire PVC ug 3 ka container nga dunay ka bug-aton nga nga motimbang sa 12.56, 12.20 ug 10.50 kilos ug puno sa wala matino nga butang. Sa pagka karon ang maong IED anaa naka kostudiya sa EOD ug K-9 unit alang sa dugang pagsuta sa mga bomb squad expert kalabot sa IED nga narekober.
