NAHIMONG usa ka hisgotanan sa Question and answer portion sa session sa Barangay City Heights ang may kalabotan sa peryahan sa usa ka dapit sa ilang lugar nga gireklamo sa taga simbahan gumikan sa saba nga gidulot niini matag gabei.
Subay sa gi-post sa social media sa usa ka konsehal gipaabot ni Kagawad Adorita Maturan ang impormasyon nga nagareklamo ang mga madre sa St. Michael gumikan sa saba nga peryahan, ang tubag ni Kapitan Dennis Matutina nga ipasulat ang reklamo sa mga madre kay ilang ipaabot sa nahitungdan kay mahulog lang kini nga tsismis.
Sa paghinabi sa Brigada kay Kagawad Richard sumala niini nga ang peryahan nahimutang sa Zaldivar subdivision, City Heights ug wala nasayod ang konseho nga adunay nisulod nga perya sa lugar, gi-revoke na usab daw sa city ang permit sa dihang nisaka sa alert level 3 ang Covid-19 status sa syudad.
Gidugang ni kagawad Richard nga sa iyang pag-adto sa lugar Martes sa gabei nakita niini nga wala mapatuman pag-ayo ang health protocol kay adunay mga wala naka facemask, kulang sa distancing ug may mga bata.
Makaalarma daw kini alang kaniya kay wala pa nawala ang virus.
Samtang gikumperma usab sa taga Permit Division nga nakadawat usab sila og mga impormasyon ug reklamo gikan sa managlahi nga Barangay mao nga ilang gi-adtuan ang peryahan sa City Heights, Buayan, Conel ug sa Apopong susihon usab daw nila sa bag-ong order sa local IATF kon ginatugot kini sa Alert level 2 status. I Ver Diazon
