GIKATAKDANG magpahigayon og candidates briefing ang Comelec Gensan alang sa mga kandidato sa syudad isip pagpangandam sa May 9, 2022 election.
Sa pahayag ni City Comelec Officer Atty. Sharmaine Papandayan Garangan magpadala siya og sulat sa mga kandidato aron masayod sa itakdang petsa alang sa briefing nga posibling mahitabo sunod nga semana.
Ang pipila ka agenda sa Candidates Briefing mao ang Campaign Guidelines and Rules ilawom sa Resolution 10730 kon Fair Election Act, Ang tumong daw niini aron nga mahimong hapsay ang pagpangampanya sa mga kandidato.
Ang permit sa pagpahigayon og kampanya sa mga lokal nga kandidato nga magsugod sa Marso 25, 2022 kuhaon sa local Comelec Office.
Sa obserbasyon ni Garangan mga maayo ang mga kandidato sa Gensan walay samok sa election.
Samtang sa bahin sa City Permit Division gikumperma ni Licensing Officer 4 Geraldine Zamora nga aduna nay nagkuha og permit para sa rally alang sa nasudnong mga kandidato, iyaha usab ginasiguro ang mga petsa ug lugar aron nga dili magkadungan, kay sa 2013 aduna na daw silay kasinatian nga nag-abot ang mga taga suporta ug nasamok ang kampanya gumikan nagdungan sa usa ka lugar ang nangampanya. I Ver Diazon
