BNFM BICOL—Personal na tinanggap ng anak ng nasawing pulis na si PSMS John Teston ang financial assistance mula sa PNP Kasurog Bicol, kahapon araw ng Lunes.
Nagkakahalagang P372,000 ang iginawad sa naulilang anak ni Teston mula sa Public Safety Mutual Benefit Fund, na bahagi ng pagbibigay parangal at pagkilala sa ginawang kabayanihan ng namayapang alagad ng batas.
Personal na iniabot ni PNP-Bicol –Regional Director PBGen. Jonnel Estomo ang nasabing financial assistance sa panganay na anak ni Estomo kasama ang kawani ng PSMBF.
Matatandaang si Teston ay nasawi sa nangyaring engkwentro sa pagitan ng PNP at ng mga rebeldeng grupo sa Sitio Tucao Brgy. JMA sa bayan ng San Miguel, Catanduanes nitong Pebrero 1.
Magsisilbi lamang sanan ito ng arrest warrant kasama ang pitong iba pang mga otoridad nang bigla lamang silang paulanan ng bala ng mga rebeldeng grupo.###
