Nagpositibo sa banned heart medication ang 15-taong gulang na skating star na si Kamila Valieva.
Si Valieva ang nanguna para sa Russia paramakuha ang gold sa Beijing Olympics nitong linggo.
Dahil sa positive test, nanganganib ang team gold ng Russia at maging ang partisipasyon ni Valieva sa individual event.
Nabatid na ang sample ay nakuha bago manalo si Valieva sa European championship noong nakaraang buwan.
Kaugnay nito, ang gamot na nadetect ay trimetazidine, isang metabolic agent na prescribed bilang gamot para sa angina at vertigo, kung saan ipinagbabawal ito ng World Anti-Doping Agency, dahil nakakapagpataas ito ng blood flow efficiency at nakakatulong sa endurance.
