NAGAPANAWAGAN ang labaw sa City Permit Division sa katawhan sa Gensan nga dili una dalhon sa sulod sa mga establisemento ang mga kabataan gumikan anaa pa sa alert level 3 ang syudad gumikan sa subling pagsaka sa mga kaso sa Covid-19 Virus.
Sa pahayag ni Licensing Officer 4 Gerladine Zamora nga sundon nalang ang kamandoan sa Inter Agency Taskforce kon IATF National ug sa lokal aron mapaubsan ang porsyento sa tsansa sa pagkatag sa virus.
Nanawagan kini sa mga establisemento dili lang sa mga malls kondili lakip sa mga kan-anan nga ibawal una ang mga kabataan luwas lang niadtong mosulod kay magpabakuna kuyog ang ilang mga guardians sa mga vaccination site sa malls.
Nanawagan usab kini sa mga ginikanan nga dili una dalhon sa mga pampublikong lugar ang mga kabataan aron maluwas sa piligro sa Covid-19.
Kahibaluan nga subling gipatuman ang work arrangement sa mga opisina sa City hall gumikan ubay-ubay usab ang nagpositibo sa Covid ug daghan usab ang nakahalubilo sa mga nagpositibo. I Ver Diazon
