PADAYON ang pahimangno sa taga City Veterinary office sa taga Gensan nga ginabawal ang pagpasulod og mga baboy buhi man o patay gikan sa laing dapit aron malikayan ang African Swine Fever kon ASF nga naka- apekto usab sa ubang lugar.
Enero 24 sa hapon gipatawag ang mga naga-alima og mga baboy sa Purok San Lorenzo, Apopong unya gipahibalo kabahin sa sitwasyon sa kampanya batok ASF unya gipahibalo nga bawal na ang pagpakaun og lamaw sa hayop.
Samtang sa paghinabi sa 89.5 Brigada News FM Gensan sa pipila ka may backyard piggery sa lugar sumala ni Lucela Agbay ug Elizabeth Subaan nga andam sila nga ipa-test ang ilang mga hayop aron mapamatud-an nga himsog.
Samtang ginapa-monitor usab sa taga City Vet ang ilang mga binuhing baboy ug mo-report kon may namatikdan nga balatian. I Ver Diazon
