Subling ipatuman sa lokal nga panggahaman sa Davao ang home isolation program o ang pagpaalim sa mga natakdan og COVID-19 sa ilang mga panimalay.
Apan giklaro ni Davao City Mayor Inday Sara Duterte-Carpio nga dili tanan kwalipikado sanglit moagi pa gihapon sa assessment sa District Health Officers kung mamahimo ba nga mag-home isolate ang pasyente.
Magpagawas matud pa og guidelines ang City LGU aron magiyahan ang mga pasyente kung diin lakip sa implementasyon ang telemedicine consultation aron mamonitor kanunay sa doktor ang kahimtang sa pasyente.
Sa samang bahin, gibutyag usab ni Mayor Inday nga tanggalon na ang RT-PCR test o antigen test isip requirements sa pagkuha og health card.
