GINAPAHIBALO sa labaw sa komiteba sa maayong panglawas sa Barangay Bula nga adunay Resbakunahan alang sa naga-edad 12-17 anyos sa mga taga Bula nga ipahigayon sa Robinsons Place.
Sa pahayag ni Kagawad Dong Gonzales sa 89.5 Brigada News FM Gensan sumala niini nga unang higayon kini alang sa mga kabataan sa Barangay Bula nga mabakunahan alayon sa pagtugot sa taga Department of Health.
Ang petsa alang sa bakunahan sa mga minors nga taga Bula sugod adlaw nga Lunes, Enero 24 hangtud Enero 26 sa kasamtangan nga tuig, magdala lang og ID o unsa mang dokumento nga nagapamatuod sa edad sa bata nga bakunahan, unya may kuyog nga guardian.
Gidugang ni Gonzales nga Pfizer ang iturok sa magpabakuna nga minors sa pagpanguna sa taga DOH Ug sa ilang Rural Health Unit doctor nga si Dr. Ruth Camarillo. Tungod niini nagapanawagan si Gonzales sa mga taga Bula nga dad-on na sa Robinsons Place ang mga bata aron mabakunahan na. I Ver Diazon
