ILOILO CITY — Indi eon pag usuyan it negative RT-PCR test result ro mga fully vaccinated individuals nga halin sa Bacolod City kontra sa covid-19 kung magasueod sa Iloilo City.
Raya hay base sa pag-anunsyo it Iloilo City Government kasunod it paghaeuga it LGU Bacolod City sa andang restrictions sa mga fully vaccinated individuals nga magasueod kanda halin sa Iloilo.
Kinhangean eang segun nga magpakita it vaccination card nga pamatuod nga fully vaccinated ro magasueod sa syudad.
Nasayuran nga sa idaeum ro Iloilo City ag Bacolod City sa Alert Level 3 hasta sa Enero 31. / ANN DESLENE SALAZAR
