Pumapalo na sa 700 lugar sa bansa ang nasa ilalim ngayon sa granular lockdown.
Ayon sa Philippine National Police (PNP), 146 sa naturang mga lugar ay sa Metro Manila.
Samantala, ang Police Regional Office (PRO) Ilocos Region ay nagtala ng 233 areas na nasa ilalim ng granular lockdown, habang ang PRO Mimaropa ay iniulat ang 19 na lugar.
Ang PRO Cordillera naman ang may pinakamataas na naiulat sa 302 total areas.
Sinabi ng PNP, na 1,836 ang kabuoang indibidwal na apektado sa naturang lockdowns. //MHEL PACIA-TRINIDAD
