Arestado ro daywa ka pekeng dentista sa magka-separar nga operasyon ku Biyernes sa syudad ag probinsya it Iloilo.
Unang naaresto it Criminal Investigation and Detection Group (CIDG-6) si Andrea Besquillo 23yo it Barangay Maya, Balasan, Iloilo sa mismong baeay kara.
Naaresto man si Edrian Peñaflor 23yo sa anang boarding house sa Rizal Estanzuela, City Proper Iloilo.
Nasayuran nga sangka 17yo nga dalagita ro nag-file it reklamo kontra kay Peñaflor sa Philippine Dental Association (PDA) kat makaangkon imaw it infection matapos magpabutang it braces sa anang ngipon.
Insigida man nga inalerto it PDA ro CIDG kaangot sa illegal practice rasun nga ginpatigayun it CIDG ro simultaneous entrapment operation.
Ro daywang pekeng dentista nga sa kustodiya it CIDG detention cells hay magapangatubang sa pag eabag sa The Philippine Dental Act of 2000. / ANN DESLENE SALAZAR
