Naga pabilin nga zero case sa COVID-19 ru probinsya’t Aklan as of January 3, 2022.
Sa record it PESU-Aklan, naga-abot sa 11 ru gin paidaeom sa swab testing ag tanan ra hay nag negatibo sa deadly virus.
Gina padumdom ghapon it PESU-Aklan nga apisar zero case sa deadly virus ru probinsya, kinahangean gihapon nga ipatuman ru minimum health standards agud malikawan ru transmission it maka maeatay nga virus.
Samtang, base sa DOH6, nakalista sa makaron it 17 bag-ong kaso; 66 ru naka recover sa sakit; 1 ru namatay sa COVID-19.
Kaibahan it Aklan nga zero case sa COVID-19 hay ru probinsya’t Antique ag Capiz.//MARIVIC Y. ILIN
