HUGOT ang pagbantay sa kapulisan sa gikaengong recruitment activity sa New People’s Army (NPA) sa probinsiya sa Sarangani.
Matud ni PCol. Nicomedes Olaivar, director sa Sarangani Police Provincial Office (SPPO) ang hugot nga bantayan nga gihimo.
Ang dungan sa nakuha nilang impormasyon kalabut sa recruitment sa grupo sa pipila ka munisipalidad sa Sarangani bitbit ang nagkadaiyang isyu ug pasalig.
Hinungdan nga subling miapela si Olaivar sa mga residente sa probinsiya nga dili magpadala sa pasalig sa grupo.
Tungod daghan na sumala pa ang misurender sa gobyerno human napakyas ang saad kanila sa NPA.
Tumong sa recruitment ang subling mapakusog ang pwersa sa grupo sa human natunaw sa gobyerno ang pipila nila ka Guerilla Front.
Gikaengong dako ang nahimo sa gimugna nga National Task Force to End Local Communist Armed Conflict (NTF-ELCAC) sa pagsustina sa kalinaw sa lugar. I Richel Gubalani
