BNFM BICOL—Umabot na sa kabuuang 240,708 na mga indibidwal sa islang lalawigan ng Catanduanes ang bakunado na kontra COVID-19.
Batay sa pinaka latest na vaccine statistics report ng Provincial Health Office kahapon, as of December 8, 2021 ay nasa 155,298 individuals o 68% ng current target population ang naturukan na ng first dose ng bakuna.
Nasa kabuuang 85,410 individuals naman o katumbas ng 37% ng current target population ang fully vaccinated na kontra sa virus.
Kaugnay nito, naabot na ng Catanduanes ang 31% na vaccination coverage mula nang umarangkada ang pagbabakuna sa islang probinsya.
Patuloy naman ang panawagan ngayon ng mga health authorities sa lahat ng Catandunganon, na makiisa sa nagpapatuloy na vaccination roll-out sa lalawigan upang mapabilis ang pag-abot ng herd immunity.###
