Naluwas sa mga sakop sa Mati City Disaster Risk Reduction and Management Office ang duha ka mananagat nga taga General Santos City gikan sa peligro human nibusikad ang makina sa ilang bangka.
Ang duha giila nga sila si John Mark Mamintong, 25-anyos ug Ceasar Alterado, 40-anyos kinsa sakay sa ilang bangka kagahapon sa buntag dihang nibusikad ang makina sa may bahin sa Barangay Macambol.
Si Mamintong nakahiagom og mga paso sa nagkadaiyang bahin sa ilang lawas nga daling gitabang ug gidala sa Davao Oriental Provincial Medical Center.
