MOKABAT sa 44.93% o 1,568,052 katao sa Soccsksargen region ang wala pa nakakuha bisan usa ka dose sa Covid-19 vaccine. Sa datus sa gikan sa Department of Health (DOH) 12- Center for Health Development (CHD)(as of Nov 17, 2021).
Gikan sa 3,490,115 target population naa sa 1,070,312 o 30.67% ang partially vaccinated samtang 851,751 o 24.40% ang fully vaccinated. Sakop sa DOH-12 ang mga probinsiya sa Cotabato, South Cotabato, Sultan Kudarat ug Sarangani lakip ang siyudad sa GenSan ug Cotabato City.
Matud ni Arjohn Gangoso, tigpamaba sa DOH-12 CHD paigo ang supply sa bakuna nga naabot sa rehiyon ug gipaghatag nila sa mga probinsiya. Apan giangkon nga duna pay mga indibidwal nga hadlok gihapon sa magpabakuna tungod sa mga impormasyon batok vaccine. Sa rehiyon-12, gisugdan na ang pagbakuna sa pediatric A3 o minor de edad nga dunay sakop ug rest of pediatric population.
Gipangandaman na usab karon ang booster shots sa mga frontline health care workers ug senior citizens. ( Richel Gubalani)
